في وسط زحمة يسقط
شوفت و حسيت وافتكرت
شوفت
شوفت الحق متحاصر والظلم متفاخر
شوفت بنات مضروبة وشباب مغلوبة
شوفت رموز تعبانة وعيون زعلانة
وشوفت شيوخ كفرانة
شوفت جاهل بيسأل هو ليه يسقط واشمعنا هو الى يسقط
واتحول فجأة لكبير مشجعي يسقط لما عرف ان هو السبب
وشيخ كبير قفل دكانة بقفلة بعد ما سمع الصوت بودانة وقلبة
وكان احلى منظر تشوفة عيوني لما قال ان الشباب دول جروا الدم فى عروقى
وشوفت الأجنبي الى مقدرش يمسة اى عصبج
- وشوفت كمان عدالة وحرية بس للاسف كلام مكتوب على يفط
وحسيت
حسيت انة هيسقط
حسيت انة مش هيورث
وحسيت اني ضعيف حيوان اليف
بس حسيت اني اقدر
حسيت الاسود والابيض والاحمر
حسيت اني بقول الحق
حسيت اني كبيييييييييييييييييييييييييييييير
- حسيت ان من الظلم النسر عايز يسيب الاكتاف ويطير
وافتكرت
افتكرت ابويا الى اتظلم وابني الى اتحرم
افتكرت رغيف البطون بتخش بسببة الناس السجون
افتكرت النص درجة الي بسببها اتحول مصير وجيت استثنيها ادوها لأبن الكبير
افتكرت وانا قاعد بتقدملها لجل اكون سلاحها سابوني انا وخدوا ابن الى واكل دراعها
افتكرت انها ناسية حق عيالها
افكترت الى اتغرب ولا جالها
والى فى صناديق اتبعتولها
- وافتكرت قلبي الى اتحرق على الى حجابها قاتلها
فى احداث مظاهرة يوم 21 /9 لا للتوريث ولا للتمديد يعابديين
ليست هناك تعليقات:
إرسال تعليق